Душанова грамота за охридската църква „Света Богородица Перивлепта“
| Грамота на сръбския крал Стефан Душан за църквата „Света Богородица Перивлепта“ в Охрид Автор: Стефан Душан |
| Издадена между 1342 г. и 1345 г. от крал Стефан Душан. Съхранява се в Хилендарския манастир в Атон. |
Оригинал (адаптиран текст)
[редактиране]Славим̾ те прѣвѣч̾ни ц(а)рꙋ, с̾твориви вьсачьскаꙗ видимаꙗ и невидмаꙗ и не хотѣти смр(ь)ти грѣшникомь, нь ѡбращению кь животꙋ бесьмрьтномꙋ. Видѣ родь чл(о)в(ѣ)ч(ьс)ки диꙗволомь гиблиба, того ради м(и)л(о)стиви Влад(ы)ко, вьпльти се неиꙁреченьнимь своимь б(о)ж(ь)ствомь вь прѣч(и)стꙋю и нескврьную д(ѣ)ву Б(огороди)цꙋ, ꙗко да ѡбрѣщеть драг̾мꙋ иꙁгиб̾шꙋю и нас(ь) грѣшних(ь) привед[е]ть вь стадо Х(ристо)во. И паки рекꙋ, слвим̾ те, прѣч[ис]таꙗ Б[огороди]це, иже твоимь неиꙁреченимь м(и)лосрьд[и]ѥмь вьꙁдвигнꙋв̾ ме ѡд(ь) ѡдра болѣꙁни моѥ и пособьствова ми крал(ѥ)вс(това)ти великимь и славними град[о]ви грьч̾кими и наставникꙋ бити великимь и с(ве)тимь ц(а)ремь грьч̾кимь вь градѣ Ѡхридѣ.
Тѣмь же и аꙁ[ь], рабь Х(ристов)ь Степань Крал(ь) всѣхь срьпьских(ь) и поморьских(ь) и грьчких(ь) ꙁемль и б(о)гоч(ь)тива и х(ри)столюбива и прѣвисока крал(и)ца кира Ѥлена и ꙁ[ь] б(о)годарованимь наю синомь, млад[и]мь крал[ѥ]мь Ꙋрѡшемь и с[ь] Х(рис)товомь помощию и прѣданиѥмь брата крал(ѥ)вс(тва) ми, севастократора гр[а]да Ѡхрид[а], и ѡбрѣте крал(ѥ)вс(тво) ми и ꙋ градꙋ Б(огороди)цꙋ Перивлеп[ь]тꙋ, хрисовꙋле ꙁапис(а)ни и ꙋꙁаконени ѡд[ь] прьво биивших(ь) светихь ц(а)ррь, такожде и крал(ѥ)вс(тво) ми и ꙁаписа и ꙋтврьди села и метохиѥ те цр(ь)кве.
Село Радохожда ꙁасел̾ци и с ловища ми и с планинами и сь всѣми правинами. Село Гюньмино и селище Фрꙋгови Власи сь мегами. Вь Лꙋковѣ що ѥ Калопꙋлово с мегами и с̾ ловищами, [...], и сь в̾сѣми правинами. Ꙋ Радовлищех(ь) цр(ь)ква с(вет)аа Б(огороди)ца с купеничѥмь и сь всѣми правинами. Ꙋ Ꙁаград(ь)чанех(ь) мѣсто кꙋпен(и)чиѥмь Калиманово Гюргичево що ѥдано цр(ь)кви ꙁад(ꙋ)шнина.
Село Веш̾чани с̾ мегами и сь всѣми правинами. [С]ело Ꙗбланица с̾ мегами и сь всѣми правина[ми] сел(а) т(ог)а. Ꙋборо и Плавци.
Село Хращани с̾ мегами и сь всѣми правинами. Вь Моровищех(ь) мѣсто кꙋпеница и ꙁад[ꙋ]шнина. И Волинѣ мѣсто купеница и ꙁад(ꙋ)шнина. Ꙋ Горѣнцех(ь) мѣсто кꙋпенич(и)ѥ и ꙁад(ꙋ)шнине. Ꙋ Ѡрахов̾ницѣхь мѣсто кꙋпеничиѥ и ꙁадꙋшнине. Под(ь)моли селище сь всѣми мегами. Метохиꙗ Сꙋбот̾ць ꙋ Копачѣхь заселци и с полѥмь ꙁ̾ брьдомь и ꙁад(ꙋ)шнинами и сь всѣми правинами. Метохиꙗ Ꙗньковь Доль ꙋ Прѣспѣ с мѣгꙗми и с млини и сь всѣми правинами. Ꙋ Наклѣ ·В҃· рибара. Мом̾лища село и селище Мороꙁвижда с̾ мѣгꙗми и с ловищами и сь всѣми правинами. Село Ходꙋнища с̾ ловищами и сь всѣми правинами. И на Мокрьскимь Поли мѣстло, дѣль що е Маврь приложил(ь). Стрꙋга Вранишка и Стрꙋга Мала, и вь грѣда гѡрни дворь и долни дворь, и на ѥꙁерѣ цр(ь)ква с(ве)ти Никола сь всѣми правинами, и седьмь рибарь, и вь Мис̾лешевѣ стас(ь).
И вь тѣхь селахь и метохиꙗхь да не има ѡбласти ꙋлѣсти ни кефалиꙗ, ни севасть ни прониꙗ, просто рек[ь]ши ни маль ни великь. И да имь нѣсть ни гꙋменьщине ни митата ни поноса ни градоꙁиданиꙗ ни ѡд[ь]сѣдѣниꙗ вь ма[на]стири, и ни ѥднога поданька ни мала ни велика, раꙁвѣ що имь реч(е) крал(и)ца да работаю. Икако приходи всеѡсв(е)щени ѥп(и)скоп(ь) Дѣвольски кир(ь) Глигори и ꙋспоменꙋ ми како ѥс(ть) приложиль прѣлюбовни властелинь крал(ѥ)вс(тва) ми севастократорь Керьсакь село Родокали и сь ꙁасельци и сь всѣми правинами села тога цр(ь)кви Перивлепьтꙋ, монастиру крал(ѥ)вс(тва) ми и краличинꙋ. И кралевство ми ꙁаписа и ꙋтврьди, ꙗкода ѥсть тврьдо и нераꙁоримо до вѣка и да ѥс(ть) ѡд[ь] цр(ь)кве неотѥмлемо до дни и до вѣка.
Източници
[редактиране]- Алексић, Владимир. Повелља краља Стефана Душана охридској Цркви Богородице Перивлепте. Стари српски архив. Т. 14. Београд, Универзитет у Београду, Филозофски факултет, 2015. с. 23 – 39.
- Соловјев, Александар. Одабрани споменици српког права (од XII до краја XV века). Београд, 1926. с. 127 – 129.