Грамота на Вук Бранкович за скопския манастир „Свети Георги Бързи“

Грамота на Вук Бранкович за скопския манастир „Свети Георги Бързи“ Автор: Вук Бранкович

Издадена около 1377 г. от сръбския деспот Вук Бранкович на Хилендарския манастир в Атон.

Оригинал (адаптиран текст)

Аꙁь рабь Христоу Влькь вьспоминаю вь сведениѥ всемь како приде брат ми Герасимь посланиѥмь монастирьскимь Светиѥ Гори Аѳѡна светиѥ Богородице хиландарскиѥ игоуминѡмь и всега сьбора хиландарско҆̀га. И просише ми келию оу Скопию понѥже не имахоу прибѣжища ни келиѥ оу Скопию. И видевь нихь оусрьдиѥ и прошениѥ и дахь монастирь Светаго Геѡргиꙗ с метохѡмь и сь сели и сь всеми правинами: где се находи метохь Светаго Геѡргиꙗ, или оу градоу или на двороу, що ѥсть Светаго Геѡргиꙗ, все приложихь Хиландароу. И такоꙁи приложихь и ѡсвободихь, да несть над нимь ни кефалиѥ градскога, ни коульскога, ни владальца, просто рекше ниеѥднога поклисара, тькмо да си Хиландарь метеха и влада како и иними метохиꙗми своми. И такоꙁи оучинисмо: що се находи с лета оу Светаго Геѡргиꙗ - жито, винѡ, сирениѥ, доходⸯка всаки - да ѥсть половина коуки Светаго Геѡргиꙗ, а половина да се ѡдьноси оу Хиландарь.
И молю всакога, кога Богь иꙁволи по мне бити, сиѥмоу моѥмоу приложению непотвореноу бити. Кто ли дрьꙁне потворити, и сиѥ раꙁорить и ѡдьнеть Светаго Геѡргиꙗ ѡдь Хиландара, или потворити сиѥ више оуписаноѥ, таковаго да раꙁорить Господь Богь, и да моу ѥсть мьстница прѣчистаꙗ Мати Божиꙗ и свети великѡмоученикь Георгиѥ, и да се притче Июде и Арии и темь иже рекоше крьвь его на нась и на чедехь, и да ѥсть проклеть ѡть .Т͠ИІ. светихь ѡтьць никеискихь и ѡдь сьбора хиландарскога. Амин.

И сиѥ ꙁаписа вь лѣто .҂Ꙁ͠ѠПЕ.

† Аꙁь рабь Христоу Влкь.

Източници

• Korablev, B. (1915), Actes de Chilandar slaves. Deuxième partie publiés par В. Korablev, "Actes de Chilandar, publiés par le R. P. Louis Petit et В. Korablev", ВИЗАНТІЙСКІЙ ВРЕМЕННИКЪ, Приложеніе къ XIX тому. № 1., Actes de l’Athos. V: 400 – 402
• Илиевска, К.; Милкпвиќ-Пепек, П.; Мошин, В.; Николовска, С.; Ношпал-Никуљска, Н.; Петров, К.; Славева, Лидија.; Томовски, Т. (1975), „Споменици за средновековната и поновата историја на Македонија“, Том I, Скопје, pp. 251 – 260