Виргинска грамота на цар Константин Асен

От Уикиизточник
Виргинска грамота на цар Константин Асен
Автор: цар Константин Асен
Издадена преди 1277 г. от цар Константин Асен на манастира „Свети Георги Бързи“ на Виргино бърдо край Скопие.

Оригинал (адаптиран текст)[редактиране]

...................................................................................................................................................................................
... и кь прочиоꙇ̀мъ блг.... н̾ноꙇ̀имь· и҆же съꙁаⷣше и҆ приложишє ст҃оꙇи҆ и҆ православ̾ноꙇи҆ цриє҆. сє҆ ꙋ҆бо ѥⷭ҇ бг҃олюбиꙗ҆ дѣло брѣгѫщеѥ· скровища оꙇ и҆маниꙗ҆ даати кь сто҃ꙇи҆мь и бжⷷ҇вьноꙇи҆мь цр҃квамь· ꙗ҆коже бо и҆ сто҃ꙇи҆ и҆ православ̾ноꙇ цри҃ѥ҆ грьч̾ци оꙇ̀ блъгар̾сциоꙇ̀· и҆ жюпани и҆ кнѧꙁєви· и҆ краⷧоꙇє҆  срьп҃скоꙇѩ҆ ꙁемлѧ· многоꙋ҆срьднѫѩ҆ любовъ и҆ попечениѥ҆ и҆мѫще кь сто҃[ꙇмь] и҆ бжⷭ҇вьноꙇмь цр҃квамь· такожⷣе и҆ црⷭ҇вми· ѡ҆нѣмь  бл҃говѣр̾ноꙇи҆мъ и҆ сто҃ꙇи҆мъ цр҃емъ прѣжⷣе мене боꙇв̾шии҆хъ поревновахъ· дароꙇ неѡ҆скѧдноꙇѩ҆ оꙇꙁливати и҆ ѡ҆бⷪ҇гащати ихъ· съшъⷣшю црⷭ҇вми вь Долнѧѩ҆ ꙁем̾лѧ· ѡ҆брѣтє ц҃рⷭ҇вми манастирь· великомѧченика хвⷭ҇а Георⷬгиꙗ҆ горга· сьꙁⷣан̾на Романомх ст҃оꙇи҆мь цр҃емь· на бръдѣ Вир̾пинѣ прѣмо Скопии҆ граⷣ надь Серѣвѫ· и҆ навоⷣмь и҆ноплеменноꙇкь агарѣнь· и҆ꙁгꙋбоꙇв̾ша вса правила своꙗ҆ и҆ метохѧ своѩ҆· падша до ѡ҆снованꙗ҆· и҆ пакоꙇ ст҃оꙇмь кирⸯ Алеѯиѥ҆мь цр҃ємь сьꙁдан̾на и҆ вьꙁдвиженна и҆ прославлен̾на· и҆ мноꙁѣми ст҃оꙇми правовѣр̾ноꙇми цр҃и подарованна· и҆ покрѣплен̾на· и҆ꙁнесє прѣдь црⷭ҇вми а҆химѫндрить чⷭ҇тнаго храма того Варлаамь· правила и хрисовꙋлѧ· ст҃оꙇи҆хь и҆ правовѣр̾ноꙇи҆хь цр҃єи҆ прѣжеⷣ менꙴ боꙇвшииⷯ· и҆ краⷧи꙼ и҆ ста҃го Романа цр҃ѣ· Диѡ҆гена цр҃ѣ· ста҃го Петра ц҃· кирⸯ Никифора цр҃ѣ· и҆ прочииⷯ· и҆ ста҃го кир̾ Алеѯиꙗ҆ цр҃ѣ Калоїѡана цар҃ѣ кирⸯ Манои҆ла цр҃ѣ· кирⸯ Тоⷣра цр҃ѣ· кирⸯ Исакѣ цр҃ѣ· ста҃го Симеѡ҆на Неманѧ дѣда црⷭ҇твꙋ ми· Ватацѣ цр҃ѣ· Калимана цр҃ѣ· любеꙁньно црⷭ҇твми приѥ҆мь· и҆ прочете· не потвориⷯ ни прѣврѣдиⷯ· нъ исправивь и҆ крѣп̾чаише ꙋ҆тврꙸдоꙇхъ·паче всѣⷯ цр҃єи҆ и҆ краⷧи҆ вышепиаⷭ҇н̾ноꙇⷯ· Люⷣѥ҆ кои҆ сѧм ѡбрѣтаѩ҆ть вь граⷣ Скопьскомъ· ста҃го и҆ великославнаго великомⷱ҇нка хрⷭ҇ва Геѡⷬгиꙗ горга и҆ побѣдоносца въ бранехь· и҆  побѣдоносца вь бранеⷯ· да не работаѩ҆ть вь цр҃ниѫ никоѭ работѫ· ни да даваѭ҆ть никоѭ҆ приплатѫ· ни да метеха с ними ни севаⷭ҇ ни прахторь [ни] кнѧꙁь· ни кастрофилакь ни ватаⷯ· ни топщикаль· ни сѫндити ни свѧꙁати· ни глобѫ вьꙁѧти· никои доходокь· И начел̾никоⷨ стꙋденецъ· п҃е· и҆ Сливъщица ѿ иꙁвора е҆ѭ҅· и҆ панагирⸯ· к҃[а]· ноє҆м̾врꙗ· Вь сииⷯ ѡ҆бластєⷯ да се не прикасаѥ҆ть никои҆ владѫщи· ни и҆нь никто· кто ли дрьꙁнеⷮ҇ и҆ прикоснетⸯ се· да сѧ кажеⷮ҇ гнѣвоⷨ црⷭ҇твми· и҆ да бѫде невѣрень црⷭ҇вми ⁘ Село Дьвигоⷣ сь селомъ Дльбицѫ· и҆ сь чрѣшѡвеноꙇ̀· съ винограⷣ с нивиѥ҆мъ сь жрън̾ками и҆ сь пашищи сь планинами и҆ сь ꙁабѣлоꙇ и҆ сь всѣми правинами и҆ прѣжⷣеꙁакон̾ноꙇми иⷯ· а҆ синори сель тѣхь· ѿ Чрьногорѫ како слаꙁи Дол̾чецъ на на Дльбицѫ· та на могилѫ· на мраморь накрⷭ҇тенꙸ и҆ ниꙁ дѣль на Бꙋтел̾скоꙇ пѫⷮ· та прѣс Кавиꙗ҆ Ново бръдо како и҆де пѫⷮ кь Ралици· и҆ на воꙇсꙋ ставъ на Рꙋдинѣ· так на дроⷨ кои҆ и҆де на ѯилопигаⷣ· ѿ бръда того· на Бѣлоꙇ камоꙇ̀· так вьꙁ дѣлъ на Дльгѧ полѣнѫ· так на Градище до Чрьного каменѣ ⁘ Село Побѫжаⷣ съ винограⷣ сь нивиѥ҆мь· сь жрън̾камоꙇ и҆ сь пашищи сь всѣми правинами и҆ прѣжеⷣ ꙁаконн̾оꙇмоꙇ иⷯ ⁘ Село Коі̀дово и҆ село Длъбица· и село Раш̾че· сь всѣми правинами и҆хъ ⁘ Село Глꙋмово съ метохєⷨ съ винограⷣ с нивиѥ҆мъ· съ жрън̾ками и҆ сь всѣми правинами иⷯ ⁘ Село......телеⷨ и҆ сь метохємь· сь винограⷣ с нивиѥ҆мь· и҆ сь всѣми правинами и҆ прѣжеⷣꙁакон̾ноꙇми иⷯ ⁘ ⁓ Село Ꙁꙋⷣнѧ вь горѣ· и҆ сь ꙁаселкоꙇ тѣми· сь Блиꙁньскоⷨ сь Мокросѣки· и сь голѣмоꙇмь поⷣмь· и҆ сь Поповѣни сь винограⷣ с нивиѥмь· сь жрън̾ками сь ꙁимовищи· съ лѣтовищи сь планинами· сь ловищеⷨ ꙁвѣрноꙇⷨ и҆ роꙇ̀бноꙇмь· и҆ сь ꙁабѣлоꙇ̀ сь всѣми правинами и҆ прѣжеⷣꙁакон̾ноꙇми иⷯ ⁘ Село Сꙋшица сь поповиꙗ҆ни  сь селоⷨ сь винограⷣ с нивиѥ҆мъ сь нивиѥ҆мъ сь планинами и҆ сь всѣми правинами иⷯ ⁘ Село Градечница съ поповиꙗ́ни съ винограⷣ с нивиѥ҆мъ· и҆ сь всѣми правинами иⷯ ⁘ Село Броⷣ..а вⸯ немь  метохъ· Мт҃и Бж҃ꙗ ѥ҆пискеѱѝс· с нивиѥ҆мъ· съ винограⷣ· съ жрьн̾ками сь ливаⷣми сь лѣтовищи съ ꙁимовищи· сь броднинами съ мостнинами· съ ловищеⷨ ꙁвѣр̾ноꙇⷨ и роꙇбноꙇмъ· и҆ сь трьгомъ· и҆ съ панагирємь· и҆́же стає̑ть и҃ септем̾врѣ· и҆ всакѫ неⷣлѧ рⷮьгъ· и҆ сь доходкомь рⷮьга того· и҆ сь всѣми правинами и҆ прѣжеⷣꙁакон̾ноꙇми иⷯ· а синорь Бродꙋ починаѥ҆тъ ѿ Градища вьс Темни доль· на Плѣшь на Коꙁиѭ стѣнѫ· та на Пещецъ· на пажити· на Бѣл̾ковь  торъ· на Шип̾ковицѫ· на винища· на Ѡ҆р̾лицѫ. на Василево салище· вьс хриⷣ на Калаваръ· на Глѧдꙋлѧ· на Дꙋш̾че· ѿ Кичавѫ до Тꙋдорова дола ⁘ И҆ вь Прилѣпъскои ѡ҆бласти село Крѫ̏павла̏соꙇ· и вь неⷨ метоⷯ Спс҃ъ· дарованоѥ҆ Романомъ цр҃емь· сь нивиѥ҆мь сь млиноꙇ̀ сь ꙁабѣлоꙇ̀· съ лѣтовищи· съ ꙁимовищи· сь планинами и҆ сь всѣми правинами и҆ прѣжеⷣꙁакон̾ноꙇи҆ми ихъ· а синорⸯ мꙋ ѿ ꙋш̾ча· на Градище Гор̾нє· на Драгановѧ црк҃вѫ на Чрьв̾ско Градище· на крⷭ҇тъ по хридꙋ на Мохнатецъ· вьс хридъ до Сѫдище· надъ Тиховець на Дѣдино ѡ҆соѥ҆· на Голѣ[ми] камоꙇ̀· на Вилъскоꙇ̀ кладеꙁь· межюⷣ ѡба Е҆ленѣ· на прѣслопь по хридꙋ гороꙇ̀ Е҆[ла]нѧ ⁘ Ꙁꙋⷣнѧ Сꙋшица Градеч̾ница· Броⷣ сь [Сл]ан̾скомь и҆ сь Барбарасомь и̇ Крѫпа· вса та мѣста паричка сѫⷮ· рекѫще Прьдалника· да не метеха никто· ни ѥ҆ксо прикисати· ни продати вьнъка ни нивѫ ни винограⷣ ⁘ въ Положкои҆ ѡ҆бласти село Рѣчици· и҆ то дарован̾ноѥ҆ стоꙇ҃мь Романомь цр҃ѥмь ст҃ѡмꙋ Геѡⷬгию҆ съ винограⷣ сь нивиѥ҆мъ· [и҆] съ жрънъками· съ периволми· сь сѣнокоси· сь ꙁабѣлоꙇ· сь планинами· съ ловищемь ꙁвѣрноꙇ̀мъ· и҆ съ всѣми дохоⷣкоꙇ̀· и҆ сь всѣми правинами· и да не иетеха  никои҆ кефалиꙗ҆· никѡтори влаⷣлецъ црⷭ҇вми ни влаⷣл̾ци гⷭ҇вꙋѭ҆щиⷯ по цр҃ствꙋ ми· да не и҆ма вълѣсти въ село Рѣчици· ни сѫдити ни свѧꙁати· ни глобѫ вьꙁѧти· никѡи доходокъ вьꙁѧти· всакоі̀ дохѡдокъ и҆ бирокъ ꙁакон̾ноі̀и҆ да си в̾ꙁима цркв҃а ⁘ А синоръ селꙋ тѡмꙋ ѿ иꙁвора Рѣчичкѫѭ҆ рѣкѫ· на деснѡ въꙁ оⷣль .. ниꙁъ брьдо на Ѡслъникь· та на И҆вановь доль· та пѡ ровчища· та межꙋⷣ Прѣслопь· и҆ межꙋⷣ Ѡ҆гражеⷣникь прѣꙁ бръдо на иꙁворь Палⸯчишкѫ рѣкѫ· и ҆ ниꙁь рѣкѫ до Катафигѣ та вьꙁь брьдо на краи҆ще пако слаꙁи [Пь]сець. вьс краище Лисеч̾кѡ· ниꙁ гвоꙁⷣъ на стꙋден̾чець· та на Гльбокоі̀ доль· и҆ ѿ Гльбока ........а ѿ сѣв̾р̾нѫ … странѫ· прѣꙁь лѫгь прѣко Келикѫ рѣкѫ· та  ниꙁь Великѫ до Хтѣтовьскѫ бразⷣѫ...........о на Точилъ· кои лаꙁ .... ад ..... ѣсковиꙗне ...... вьꙁ [брь]дѡ д ...... на десно· и҆ пѫтемь вьꙁь брьдѡ до г[о]р .... десно ..... [п]ѫтемь .. [Сꙋ] .. планинѫ .. щ. ниꙁь гвоꙁьⷣ на Рѣчичкѫ рѣкѫ д[о] иꙁвора ѥ҆ѭ҆ ·и҆ тѡ все паричкѡ мѣсто ⁘ И҆ вь Горнємь Полоꙁѣ сєло ....... [н]ивиѥ҆мь сь в[ин]ограⷣ сь жр[ънь]ками [сь вс]ѣми [пра]винами иⷯ ⁘ Село Тѡчилъ и планина рекѡма ст всеꙗ правиноѭ҆ ⁘ Село Баници сь нивиѥ҆мь съ винѡграⷣ· съ жрьн̾ками и҆ сь всѣми правинами [иⷯ] ⁘ Село …. ꙗне съ планинѫ рекомѫѭ҆ Мраморъ· и҆ сь всѣми правинами ⸪ Село Нахово сь парикоꙇ̀ сь нивиѥмь сь ливаⷣми сь ловищи роꙇбними и҆ сь всѣ и сь всѣми правинами  ⁘ Село Таворь градище и҆ с полемь [сь] нивиѥ҆мь сь ливаⷣми· сь Еꙁеромⷨ блатнимъ· сь ꙁабѣлоꙇ сь ловищи ꙁвѣр̾ноꙇ̀ми и роꙇбними· и҆ сь всѣми правинам  иⷯ ⁘ Село Бисрⷮица вь Бабꙋнѣ· сь пашищи сь лѣтѡвищи сь ꙁимовищи· и҆ сь всѣми правиними иⷯ ⁘ Село … [стоі҆и] Їѡаⷩ҇ Бг҃ѡсловець · сь пашищи сь нивие҆мь и҆ сь всѣми правинами ⁘ Село Дѫбница сь Ракоꙇ̀т... сь нивиє҆мь сь ꙁабѣлоꙇ· и҆ сь всѣми правинами .... [ме]т[ѡⷯ] поⷣ ха ..анеⷨ· ст҃оꙇ̀ Василии· сь винограⷣ сь нивиє҆мь сь [ливаⷣми] сь всѣми правинами и҆ сь ловищи роꙇбниⷨ .. во .... Поⷣмирь ꙁ[в] ..... катꙋньс[к]аⷯ ... с нивиє҆мь сь ливаⷣми [сь лѡ]вищи и [сь] всѣми [п]равинами ⁘ С......... мето[хъ] ст҃[оꙇ̀] Лꙋ[ка] ..... е ...вь. бокѡ……...є…..же ……….. и҆ сь всѣм[и п]равинами· Метѡⷯ вь Веьбѫжи ст҃оꙇ̀ Никѡлає҆ вь ко…ши. сь винограⷣи҆ [с нивиемь] и сь всѣм[и п]равинами⁘ Село Лъжени сь винограⷣ с нивиє҆мь и҆ сь всѣми правинами ⁘ Село Раноі̀ лѫгь с нивиє҆мь сь сѣнѡкѡсоі̀ и҆ сь всѣми правинами ⁘ ⁓ Селѡ Витино и Бинечь̏· сь всѣми правинами иⷯ ⁘ Та вса пр[о]раꙁꙋмѣвь црⷭ҇ми· видѣвь поданиꙗ и҆ ꙋ҆тврьжеⷣноꙇꙗ҆· и҆ ꙁапиⷭ҇аноꙇ̀ꙗ прѣжеⷣ мєне боꙇ̀вшииⷯ· сто҃ꙇиⷯ и҆ правовѣрноі̀ихь цр҃єи̇ и҆ краⷧ҇еи҆· и҆ црⷭ҇вми тѣмь вьслѣдꙋє҆· молѧ сѧ и припаⷣѭ҆· просѧще млⷭ҇ь и помощъ· ѿ ста҃го великѡмнⷱ҇ка хрⷭ҇ва Геѡⷬгиꙗ горга· и҆ вь бранєⷯ побѣдоносца· и҆ приложиⷯ ст҃ѣи҆ цркв҃и ѥ҆гѡ· Село .....рево· ѡбрѣте его ...црⷭ҇вми прѣжеⷣ дан̾ноє҆ стоꙇ̀мь Рѡманоⷨ цр҃ємь· сь Барѡвоⷨ сь Синскѡмь и҆ сь цр҃кв[иѭ҆] стоꙇ̀мь Іѡа҃мь Ꙁлатоꙋ[стомь] и сь всѣми тами ꙁасєл̾коꙇ̀· сь винограⷣ с нивиѥ҆мь· сь перивол̾ми· сь водѣн[ица]ми сь сѣнокѡсоꙇ̀· сь ꙁабѣлоꙇ̀ сь ловищи роꙇ̀бними и ꙁвѣр̾ноꙇми и҆ сь планоі҆нами и҆ сь всѣми правинами· прѣжєⷣꙁакѡн̾ноꙇими иⷯ· И҆ є҆ще приложи црⷭ҇вми· селѡ Калꙋгерѡвѣнѫ· сь винограⷣ с нивиемь сь ꙁабѣлоꙇ̀· и҆ сь всѣми правинами ⁘ И҆ еще ...ав ........вь Ꙁлатици село Калꙋгеровь доль· и҆ вь неⷨ цр҃квь сто҃ꙇ̀ Геѡⷬгиє да бѫде сьсѣдещи и҆гꙋмень ........хѡдокь црⷭ҇вми и҆ такѡ ............. а ........ .... лⷣчнѫ ........ ............ ꙗкѡ срьⷣ ..... сѧ ѡ҆брѣтаѭ҆ть ...... [с]таго ......... дохоⷣкь ........... ни вь жꙋпѣ или ꙋ҆ коємь либо граⷣ и҆ли ꙋ чиє҆мь либѡ селѣ члв҃кь [ста҃го Ге]ѡгиꙗ҆· да не сѫди никѡи҆ влаⷣлецъ по дрьжава црⷭ҇ва ми· ни да подав... заⷣ.......нѩ҆· на люⷣ ста҃го Геѡⷬгиꙗ҆· нь ѡ҆ всакѡⷨ дльгꙋ да сѫди и҆гꙋмень настоѭ҆щии҆· и҆ сь и҆гꙋменовѣмь ѡ҆трокѡⷨ да сѧ вьꙁнма всакоі дльгь· кто ли се наи҆де сѫдивь чл҃овѣкꙋ ста҃го Геѡⷬгиꙗ҆ посилиє҆мь· и ѡ҆трока давь нашаго· и҆ли го свеꙁавь· беꙁь игꙋменова сѫда· бѫди на немь клѧтва бж҃иꙗ҆· и҆ сто҃ꙇиⷯ правовѣр̾ноꙇиⷯ цр҃єи· и да плати димосиѡⷩ ·ѳ· ꙁлатиць· И ꙋдава и҆же сѧ ѡ҆паⷣє҆ть дрꙋгь дрꙋга прѣдь влаⷣлци и҆ли поткѫ и҆же ꙋдаваеть· да не вьꙁима на цр҃ковниⷨ члв҃цѣ· никто владѫщи· раꙁвѣ да си вьꙁима цр҃ква на свои҆мь си члв҃цѣ· ни ꙁла да нѣсть люⷣмь ста҃го Геѡⷬгиꙗ҆. поповоⷨ и҆ поповиꙗ҆ноⷨ иже сѧ ѡбрѣтаѭ҆ть поⷣ ѡ҆бластиѭ҆ ста҃го Геѡⷬгиꙗ҆· да не метаха никѡи҆ є҆́пѝскꙋпь ни дохѡⷣкь вьꙁѧти ни ꙁапрѣщениꙗ҆ поставити на и҆ерѣехь· ...ар...х и҆ є҆пискꙋпꙋ помѣнь· а є҆ѯарха тои҆ всакоіи҆ дохѡⷣкь сщ҃еничкоі̀· тѡ в̾се да е цр҃кви ст҃ѡмꙋ Геѡⷬгиꙋ· да не метаха тꙋ вьлаꙁити вь села и҆ мєтохиє поⷫ҇ѡвѣхь дхѡ҃вно что вьꙁѧти ни еѯархъ ни прѿпапа [нь] все тѡ црк҃ви ст҃ѡмꙋ Геѡⷬг[ию] ...... понеже бѡ всака глоба .... [дох]ѡⷣкь цр҃кви даровань есть· а навоⷣчини щѡ пара є҆гова и҆стина· вражѫⷣ ...д[ѣвичь] раꙁбои҆ и҆ кѡн̾скѫ кражⷣѫ· да си вьꙁима цркв҃а на своиⷯ си люⷣхь· и҆ тиѩ҆ вражиⷣ да сѧ не вьꙁимаѫть на селѣхь· раꙁвѣ на исциⷯ нь и҆ тѡ сѫдѡмь· приселицѧ да не плащаѩ҆ть метохиѭ ста҃го Геѡⷬгиꙗ҆· ни влоберⷶ҇щинѫ· ни пер̾пера ни димнинѫ· аще кто вьлѣꙁе на метохиє҆ ст҃агⷪ Геѡⷬгиꙗ҆ ꙋ коѥмь либо селѣ· беꙁь архимѧдритова вьпрошениꙗ҆· и҆ли вь планиноꙇ̀· и҆ли пашища· и҆ли вь ꙁабѣлѫ· и҆ли вь ловища роꙇбна и҆ли ꙁвѣрна· и҆ли лѣсь и дрѣво ꙋсѣщи вь цр҃ков̾нѡмь брьдѣ· и҆ли водѣницѫ поставити на црк҃овнои҆ водѣ· коꙗ҆ тече ѿ цр҃квна иꙁвода· и҆ли конеи҆ пасти на црк҃внои ꙁемли· и҆ли водѫ повеⷣе прѣꙁ црк҃внѫѫ҆ ꙁемиѭ· и҆ли нивѫ поѡ҆равь беꙁь и҆гꙋменова блⷭ҇вениꙗ҆· клѧт̾ва бж҃иꙗ҆́ на неⷨ и ста҃го Геѡⷬгиꙗ҆· и ст҃о҃ꙇиⷯ правовѣр̾ноꙇ̀иⷯ цр҃єи҆ и҆ краⷧєи҆· воꙇшепиⷭ҇аноꙇⷯ· и҆ да сѧ продасть вь демосиѭ҆ · ς҇  пер̾перꙸ҇· сиꙗ҆ вса дарованнаꙗ҆ ст҃оꙇи҆ми и҆ правовѣр̾ноꙇи҆ми цр҃и и҆ краⷧоꙇ воꙇшеписан̾ноꙇи҆ми· и҆ приложен̾наꙗ҆ црⷭ҇вмь ми· и҆ дарован̾наꙗ҆ ѿ прочииⷯ властель ꙋ помѣнь· то вса да дрьжиⷮ сто҃и Геѡⷬгиє҆ горгос и побѣдоносець· и вь неⷨ настоѭ҆щии҆ чⷭ҇тноꙇи҆ а҆рхимадриⷮ ѡ҆бⸯꙗвлениѥ҆мь сегѡ ХРИСѠВꙊЛѠ понеже да го имаⷮ црⷭ҇ми ходатаꙗ҆ и҆ помощника· вь всакоꙇⷯ напастеⷯ и҆ ратехь· а҆ ѿ работникь црⷭ҇вми посилаємоꙇⷯ· по вса врѣмена· по хораⷯ и҆ по градовѣхь· браниⷯ вьсприємати что· да не вьлаꙁѧⷮ ни ꙁабавлѣѭⷮ ни пакостеть мет[охомь] ни селомь ни люⷣмь ст҃аго Геѡⷬгиꙗ҆ ни...нмѫⷮ по хораⷯ црⷭ҇вми· ни севасть ни дꙋка· ни кастрофилакь· ни прахтори· ни к̾нѧꙁь· ни ѿпщикаль· ни винарь ни комись сь коньми· ни страторь· нии҆ иꙁгон̾чиꙗ҆ граⷣ· ни писець ни апоⷣхаторь ни геракарь· ни ѱарⸯ ни десеткаре пⸯчельни ни ѡвчи· ни трѣ[в]нинѫ· ни слоновщинѫ ни комада ни м[ит]ати· ни кошар̾щинѫ· ни волобер̾щинѫ· ни намєт̾ка житна ни вин̾на ни мѧсна· ни сирена· ни граⷣ ꙁидати ни блюсти и҆· ни темницѧ блюсти· ни ѡ҆рати ни копати винограⷣ· ни сѣно косити· ни жѫти· и҆ цр҃ниѫ вьꙁѧти члв҃кꙋ ста҃го Геѡⷬгиꙗ҆ ни на кѡє҆мь трьгꙋ· ни диꙗ́вото вьꙁѧти· ни мостнинѫ· ни члв҃ка гареѱати ни кѡнѣ ни вола ни ѡ҆́сла· та вса млⷭ҇иѭ црⷭ҇вми прѣда подарованиѥ҆мь сего ХРИСОВꙊЛА † дѡндеже оꙇ̀ме хвⷭ҇о на ꙁемли славитⸯсе· и҆ по сьмрьти црⷭ҇вми· кого Бь҃ иꙁволиⷮ поставиⷮ на прѣстолѣ црⷭ҇вми· и҆ли кто лꙋб[о] бѫ деⷮ҇ ѿ сѫрод̾никь црⷭ҇ва ми· молѧ не раꙁориⷮ ни попраⷮи сего ХРИСѠВꙊЛА нъ паче подароваⷮи и҆ понавлѣти҆ и҆ поⷮврьжⷣати сь ꙋсрьдоꙇ̀є҆мь· блг҃очтⷭ҇но бо ѥⷭ҇ тако твориⷮ сто҃ꙇмь и҆ правовѣрноꙇмь цр҃емь и҆ краⷧємь· а҆ще ли се кто ѡ҆брѣщеть ꙋхоі̀щрениє҆мь диаволоꙇмь· прѣстꙋпиⷮ сиꙗ҆ повелѣнаꙗ҆ и҆ попр[ати с]его ХРИСѠВꙊЛА тѡмꙋ да єсть сѫпер Бь҃ и҆ прѣчⷭ҇таꙗ҆ Мт҃и егоѡ. вь сиⷨ вѣцѣ и҆ вь гредѫщиимь страшноꙇ̀мь сѫдищ[и вт]орааго пришьствиꙗ҆. и сто҃ꙇ Геѡⷬгие вь бранеⷯ вьмѣсто [помо]щи да мꙋ есть сѫпостать· ꙁеⷣ и҆ на страшнѣмь сѫдищи· и҆ да.......... проклеⷮ трьклеⷮ ѿ Га҃ Ба҃ вседрьжит[ел]ѣ и҆ ѿ [прѣчⷭ҇тоꙇѭ] єгѡ М[тре] и҆ силоѭ҆ чⷭ҇тнаго и҆ житворѧщаго крⷭ҇та· и҆ ѿ четоꙇ̀[рехь] еванг[листь]  ѿ ві҃ апⷭ҇лъ и҆ ѿ т[иꙇ·] ѿць ноꙇкеи[скоꙇиⷯ и҆] ѿ сто҃ꙇ̀[иⷯ] правовѣрноꙇиⷯ цр҃єи и҆ краⷧеи воишепиаⷭ҇нноꙇ ....................... писасѧ и҆ пописа .....ар .. [ст҃мꙋ Ге] ѡⷬгиꙋ го[ргꙋ поб]ѣдоносцꙋ· на всакѡє҆ ꙋтврьжеⷣноꙇе҆ ... вь бесконечнѫѭ...


КѠСТАНДИНЬ В Х҃А Б҃А ВѢРЕНЬ Ц҃РЬ И САМОДРЬЖЕЦЬ БЛЬГАРОМЬ АСѢНЬ·

Източници[редактиране]

  • Ильинский, Григорий Андреевич. Грамоты болгарских царей. Москва, 1911. с. 14-21, 166.
  • Иванов, Йордан. Български старини из Македония. Фототипно издание. БАН, 1970. с. 578-587.